調查：睇電子書市民升

【明報專訊】現時唔少香港人都鍾意用手機或平板電腦搵資料，有一個閱讀調查就發現，今年市民睇電子書嘅比重增加咗，由去年嘅12.8%上升到今年嘅21.1%，主要都係因為貪電子書方便攜帶、節省空間又環保。不過，有受訪者覺得現時市面嘅電子書種類單調咗啲，Emily留意到電子書來來去去都係武俠言情小說，其他內容嘅電子書似乎唔係咁多。

逾半人無「閱讀習慣」

新鴻基噚日公布咗一個閱讀調查，佢哋以電話訪問1000個15歲以上巿民，有47％受訪者有閱讀習慣（意指過去半年內，曾經有閱讀報章雜誌或學術書籍以外嘅書本10頁或以上），較去年58%整整減少咗11個百分點！即係話超過一半市民無「閱讀習慣」。